Gàidhlig

‘S e Ghàidhlig cànan luchd-obrach Fàs Mòr, ged a nithear feum den Bheurla airson clann a shocrachadh agus airson stiùireadh air slàinte is sàbhailteachd a chur an cèill.

​

Bhon a’ chiad latha aca ann am Fàs Mòr, thèid iarraidh air a’ chlann na tha iad a’ faireachdainn a mhìneachadh don luchd-obrach agus do chlann eile ann an cànan sam bith a tha freagarrach dhaibh pèin. Gheibh iad barrachd tuigse air a’ Ghàidhlig le bhith air an cuairteachadh leis a’ chànan agus a chluinntinn fhad ‘s a tha iad ris na gnothaichean àbhaisteach aca.

Gheibhear tuilleadh fios agus goireasan feumail bho Chomann nam Pàrant agus làrach-lìn Gaelic4Parents. 

Thuirt pàrantan:

'Tha sinn cho toilichte le Fàs Mòr is an dòigh a thug iad Gàidhlig a-steach dhan teaghlach againn.'

​

'Tha comas a-nis aig mo mhac seinn, cunntas agus tuigsinn na Gàidhlig. Tha seo iongantach ann an àm cho goirid.'